Basa Bali
(Suntari Pr.)
Tan uning
titiang ring kerananipun,
Suksman
titiange kategul antuk benang sutra,
ngaranjing
manjusup tulang ngan tos ka sumsum,
sane dados
bagian awak titiange.
Sareng
maurip saking ajunan ngantos kelih,
seduke
ngipi, mamanah tur ngamedalang rasa,
ring sajeroning basa ibu,
manah titiange sampun kelih antuk tjajane,
titiang manggihin pribadin titiange.
Titiang
magubugan ring masarakat,
terus
masametonan sareng sawitra,
baktin
titiang ring rerama nenten ja kirang,
kasih kinasihan sareng alit-alite.
Sane encen
kirang kapikayun,
titiang nyelipang raos anyar,
anggen titiang payas sane tjotjok ring kala
puniki,
kapanggih
rupanipun ngenjagang manah.
